午餐記趣。無聊日誌

今日約了好友常春藤小姐午膳。是的，又係佢，我們的辦公室在同一區，只相隔幾幢大樓。

第一次去Noodle Lah!。12：30pm去到完全不用等位，因二人位不多，安排了四人枱但要搭枱。

有套餐或散叫，我要了套餐，炸魚餅和雞肉laksa，ok啦，有三件炸魚餅，份量不少，雖然laska湯底不是很鮮美，但正常架，蛋麵有少少淋身。但常春籐小姐吃散叫的唔記得叫乜的乜乜蝦麵，湯底無厘味道除了超咸，她大叫後悔。

套餐包了飲料，要了cappuccino，意外地非常好渴，表面灑了些玉桂粉，香濃幼滑，讚！

吃完午餐後，見LAB的Shoespace有大減價，雙眼發光衝入去逛逛，有很多平底鞋千多元減至$700多，大嗌：好抵呀！好抵呀！常春藤小姐和我說話也聽不到，她頂我唔順鬧我可唔可以冷靜啲呀？

有很多Tory Burch和Michael Kors的鞋由七折起，不過亦都要二千多元。試了幾對後，決定還是省錢以後俾多少少買返Ferragamo或RV啦。

看見new arrival的Ash wedge sneakers，有好冬天的suede，有好型的stud，不過我一向對wedge款的波鞋很糾結，著得波鞋就係貪佢舒服，不過竟然有wedge而且不算矮踭，根本和著高踭鞋沒有分別：即係行得耐隻腳一樣會痛啦。放棄啦，都係著返高踭鞋。

。。。

天氣很冷，在家我是包到一隻糭咁的，底衫，毛毛睡衣，毛毛襪，加毛毛波波點睡袍，蓋上毛毛顫。我是痴線的。