團年飯。相聚

2014月1月25日。星期六。年廿五

今日好忙呀，中午先去奶奶家吃團年飯，然後晚上回家和爸媽慶祝生日，順道吃團年飯。

。。。

老爺晨咁早去花墟買串串金。依家未開，唔好以為好似枯枝咁，遲幾日開晒會好靚。

家常美味小菜，另加花膠海參螺頭湯，淨係湯渣已經一大碟，非常滋補。奶奶的幫工已學識浸發海參花膠。發花膠好易吖，不過啲海參要發四日，好勁。

。。。

下午回家去。好耐冇見小乖乖，掛死我啦。嗲乖係咁要錫錫，真係好激動，勁痴纏。

老豆堅持每逢做節一定佢請，不過今日當係慶祝老豆媽咪生日，我請。

去咗三聖邨買海鮮，去廣東名門食。今晚每間三聖邨的海鮮酒家都超爆，好彩有訂枱，不過都要等。

一向幫襯開關財記買海鮮，幾老實，貨又新鮮，店內有三隻好乖的狗狗，係鎮店之寶。老闆和店員們聲粗粗不過好好人，俾我行來行去狂影，冇嫌我阻住晒。

有清蒸鮑魚，東星斑，名物脆皮芝士龍蝦，蒜蓉蒸扇貝。

鼓椒炒蟶子，金牌咕嚕肉，薑汁芥蘭，花雕蛋白蒸蟹，白灼螺。

有可愛的姪仔，成晚冇扭計，淨係掛住笑，任人抱，是個好乖的BB。

11點才走。姪仔仲精神過我，好犀利。