今天是至愛的星期六。預約了下午四時在會所運動場打羽毛球。
早上和Mr T去看中醫，上週說服了他一起搵中醫調理，他身體一向沒什麼大問題，就當是一般調理吧。這位年輕的醫師相當有信心，說我的情況已經有好轉，我感到欣喜，我會放鬆心情，不會再轉牛角尖，順其自然吧！
吃過早餐後，先返回家中服藥，然後準備外出。但嗜睡的Mr T立即倒在梳化上昏迷過去，我做完小家務後，也在極度舒服的梳化上昏睡，睡了兩小時後已經三點了，馬上去會所的餐廳吃下午茶才去打羽毛球。現在立志培養每週做一小時運動的習慣。
會所的餐廳以前只有午市及晚市，小菜不錯夠鑊氣，現在還提供早餐及下午茶，不過質素普通。點了味道冇乜層次的吉列魚柳潛艇加唔係好香滑奶茶。其實魚柳香脆，但只有沙律醬，青瓜都冇塊，少頹。法包有烘過，但好硬，搞到上齶損咗，唉！
打完羽毛球後週身汗，立即洗澡，換過衣服出去吃飯。週末晚上巿中心好像所有人傾巢而出，周圍都係大喼細喼拖著走。我倆討厭擠逼的地方，但今天有買物清單，須去巿中心一趟。
吃了正常的丼丼屋，愛其烏冬，加上豆腐沙律，吉列豚肉。感謝Mr T等位時沒有黑面，他平日日理萬機，說等位非常浪費時間，今天破例，因這間人龍最少。
終於決定買一部有wifi功能的數碼相機，是的，我很out，家裡已有一部數碼相機，但十世已不拿出來使用。我買新相機的籍口是Wifi功能超方便，相片可立即存入我iPhone的photo album內。
我去了電器舖，店員是一個把口浪過油的小伙子，推介我Sony Nex 5T，比較其他牌子型號，我想5T會適合我，最後買下了。是的，我認我膚淺，外型比內涵重要，機身細細，又會有單反「卡嚓卡嚓」好型的聲音，ok容易影到有景深的照片，重要的是有白雪雪靚仔外型，Kawaii das ga~
--無聊記事--
小伙子名片上叫陳曉東，醒目仔一名，我捉住他個幾鐘問咗一千條問題：
我：陳曉東呀，呢個掣有乜用架？
答：（咳）呢個名係假名嚟㗎，你都係叫番我英文名啦！那！呢個掣咁咁咁用架。
我：(死纏爛打)哦！陳曉東呀，買呢部相機仲有冇多啲嘢送㗎？
問咗九百九十九條問題之後，問到冇嘢好問時，我最後的問題是：陳曉東呀，我點樣可以增進我攝影的知識呀？
答：（尚算有耐性）你可以去書局買書睇啦，再唔係去買攝影雜誌啦！我都係借啲書返嚟自己學架。
我：哦！陳曉東，咁好啦，bye bye la~（他無言）
小伙子咁醒目，又靚仔有禮貌，他不應賣相機，他應該去賣樓，哈！
。。。
今日穿衣日誌
沒有留言:
張貼留言