愛自己。好心情

近一年都有飲中藥調理身體，看了一位退休老醫師接近十個月，因為近日身體出了一些小問題，轉去家附近看一位年青的中醫師，這位年輕醫師給我的感覺好理論化，希望佢真係醫得好我啦。近來只要是身體不舒服，心情總會跌下谷底，有時候好害怕自己會否患上抑鬱症，如果真的話，應怎麼辦？

情緒的影響力真係好大。以前的我真係成日好開心，覺得自己好幸福，但現在很不喜歡笑，就算笑，都覺得勉強。以前真係唔知幾耐冇喊過，現在差唔多日日喊，有幾次簡直控制不到自己，早上起床就喊，化妝又喊，一路畫眼線一路喊，搭地鐵返工時眼淚一直流。唔好問我點解，因為我也不知道原因。

中醫叫我忌壓力緊張，可惜每天我依舊處於緊張的辦公室裡，有點徬徨無助，但我不能瀟灑離去。不敢想像失業的日子，從大學畢業起工作已十年了，習慣工作，卻同時厭惡工作，只愛出糧。很想回去在馬爾代夫度蜜月的那個假期，有藍天白雲，涼快海風，美麗的珊瑚礁，像溂口水一樣顏色的藍色海水。。。

現在已經是晚上十一點了，近月十一點前必須上床睡覺，希望今晚睡得好一點，早上睡醒時不會嘆氣，明天有好心情，雖然仍然要回去那一個像地獄的辦公室，但我會笑著上班中。我依然要愛自己，今年的生日願望其中一個是：我。不。會。再。哭。了。