如果繁忙時候搭的士用紅隧，會塞到阿媽都唔認得，又要俾司機大佬成程車日哦夜哦，用冤咒眼神啤我：小姐！好塞㗎喎！（鬼唔知咩！）行東隧，經過大老山隧道又要塞車，兜路兜到暈，仲耐過搭MTR。行西隧，每日咁行真係好甘。無奈，於是朝早逼地鐡就係每日生活的一部份。
地鐵，唉！真係又愛又恨。唔迫人的時候就好舒服，不過超級迫人時會想死。係東鐵時經常見到自由人，一家十口男女老少加十個大喼，真係去咗嘉年華，細路隨處尖叫起舞，大人表現縮骨功五個人擠在四人座位裡。水貨客將貨排到人咁高推進車廂裡，亦是常見的事。
今朝早遲了起床，趕頭趕命擠入車廂。意外地發現比較少人，兩個站後又有位座，非常感恩。平常我喜咒罵mtr,但今日必須記低有時mtr也有它好的地方，好像辛苦的時候要記起以前lucky moment.
心情非常好啊。寫blog的好處是令人記得生活中微小但快樂的事。來一個笑面吧！
係，我自認冇guts(吉士)，我係唔會俾你們見到我的真面目，因為唔靚就無謂睇啦，呵呵！
期待今晚和一位很久沒見的漂亮朋友晚膳，天啊！快啲放工啦！
沒有留言:
張貼留言