敗物。女人本性

女人開心買鞋，唔開心都係買鞋，這個定律套用在任何貪靚的女人身上都得。

以下呢個collection當然唔係得我一個人作出貢獻啦！半年前同幾個好姊妹一行四人去了新加坡喪食喪買，截到第二天，大家已經買咗咁多對鞋，仲未計第三日係機場的戰利品，註：不包括其他衫褲手袋的戰到品。不過Charles&Keith真係平靚正，fashionable得嚟又夠chic，冇乜女人唔鐘意。我哋四姊妹真係四種性格，個style亦不一樣，但都可以在同一間鞋店買到心頭好。

上個月係Mytheresa敗咗對RV Belle de Nuit Suede Pumps 60mm，designer colour name係Cardinale Medio，即係棗紅色，冬天襯all black會好sharp，不過依家都仲未曾著過，好怕個踭會花呀，花咗一定會尖叫！

今日中午lunch無無聊聊去買飯的時候，經過一間小店，專賣With magazine類型返工衫，入去一逛，唉！！！不得了，又買了一對black ankle boot去襯衫，三吋高，希望行耐咗唔好腳痛。Ankle boot真係想買咗好耐，不過好難見到好靚又噤著的，今天給我遇到當然不可以錯過啦啦啦（雖然一個月前都買咗對短黑色boot）！其實仲買咗幾件衫，拎住幾個大shopping bag係lunch time返office，搭lift仲要見到一堆同事，真係有少少唔好意思，平日我好cool懶professional咁架麻，一袋二袋好唔pro攞。

今季真係唔好買鞋啦，再買就要斬手指㗎啦！屋企個鞋櫃已爆了。Mr T 只有非常小的空間放佢嗰四對鞋，好可憐！Mr T成日恐嚇我：再買就話俾你亞媽（即佢外母）知吖哪！

我（怒啤眼神）：哼！你夠瞻試下！今晚你瞓露台啦！

通常Mr T會立即收皮，呵呵。

。。。

晚上試穿記。今日放工即刻著住對新boot去食飯，之後搭地鐵返屋企。結論係三寸高點都係會腳痛的，但尚可接受。溫柔的Mr T見我腳痛，係會主動同我按摩一會，真係感動。

今日穿衣日誌（乖乖的Mr T在身旁替我拿今天的敗物）