係呢個幾月中，其中一件開心事係我的老友常春藤小姐結婚啦！！！我大住個肚點都要做姊妹睇住佢嫁出去，希望她和家明哥以後相親相愛，互相扶持一起走這段人生路。
有時候自己會對枕邊人要求高一點，嚴苛一點，想佢做到最好，老想著希望他可以用自己想的方式對自己，包括如何表達關心，如何炮製驚喜等。
回想我和Mr T一起的頭幾年，我老想著他除了極度專一之外，他真是一個悶蛋，又正經，又唔多出聲，悶到我成日唸以後成世對住呢個悶蛋點算，離離合合多次，但緣份始終把我倆緊緊地連在一起。
互相透徹了解對方相信是源自於我倆結婚前一起住在同一屋簷下那一年，各人的性格習性顯露出來，我發現其實自己又麻煩又奄尖，又呢又路，我都有少少頂自己唔順，不過Mr T對我極度包容，乜都就晒我，從來冇批評我。但其實佢對住其他人係相反的，暗啞底佢講嘢係可以好賤的。
幾年來的親密相處令我慢慢學會了包容和欣賞他的性格。他和我的性格其實是幾極端的，他超審慎細心凡事考慮週詳，而我就乜都求其考慮下就衝個頭埋去做咗先算兼性格火爆。性格一凹一凸，其實係可以好夾的，不過最重要的係大家要有近似的價值觀，否則不同的性格加上不包容係好可能造成磨擦。加上得閒同下Mr T training，同佢洗腦點先係一個好老公，成日讚下佢，沾沾自喜嘅佢就會慢慢做晒你期望佢做嘅嘢架啦。
我相信家明哥平穩兼就得人的性格絕對係成為好老公的先決條件，加上時間慢慢令雙方增進深層次的了解，常春藤小姐一定一定會好幸福囉！喂！你得閒就同我曬命啦！
我幾時都認為，有老公錫到燶的女人係最最最幸福可愛的。
。。。
呢個幾月成日lor lor luen，想快啲到34w，因為只有到達呢個週數，才肯定私家醫院會收我，Dr L可以幫我接生啦。
雞蛋仔成長記錄：
32w5d: 2627g (5lb13oz) 大隻仔重咗1磅。
但我就輕咗1磅，我依家只係共重咗11磅（肚圍40＂）
。。。
終於今日係34w3d啦。中午約咗產檢見下雞蛋仔，check下你有冇玩條電話繩（臍帶）先。你今日擺個靚post俾daddy mummy見下你個樣，唔好好似上次咁成隻青蛙仔趴係度遮住個樣呀！錫晒你^3^
雞蛋仔成長記錄：
34w3d: 3089g (6lb13oz)
我依家共重咗12磅（肚圍40.5＂）
沒有留言:
張貼留言