我中咗妊娠糖尿。唉(6）

2014年8月5日。27w3d

昨日健康院姑娘要我今朝返來見醫生聽糖尿報告。唔通中咗糖尿？因為如果做完糖尿測試之後結果係合格，係唔會收到健康院的電話。

即時心情跌入谷底，我已經冇乜點食甜嘢零食，晚晚食住家飯，多菜少肉，少調味，淨係多吃生果，yogurt仲只係食plain嗰隻。不過常春藤小姐話我食緊嗰隻pasterised yogurt每杯有2.5茶匙的糖，唔通咁中招。而且我又冇乜點肥，點解架？我知，其實身型飲食唔係主要原因，多數因hormone影響而有妊娠糖尿。

正在茶記吃早餐，一陣去健康院聽下醫生點講先，最多咪跟餐單食嘢同日日篤手指囉，哼！

。。。

唉！我真係中了糖尿呀，仲要係好高。正常飲完糖水兩小時後的指數係少過7.8，但我係10.4。有啲7點幾marginal的媽媽都要食糖尿餐單，更何況我呢？

又擲返我去醫院follow直到生。約咗下星期一見營養師同姑娘，呢鑊真係要篤手指啦=.=

雞蛋仔，你一定一定要健健康康出世呀。我一定會好好介口，唔會俾你受到任何影響的。